A Chaira

Coma noutras moitísimas veces saín sen rumbo nin ningún tipo de destino. Deixeime levar e nesta ocasión acabe na Chaira, un lugar do municipio de Pantón, na provincia de Lugo, en plena Ribeira Sacra.

É leste un lugar que Iberdrola construíu entre os anos 1945 e 1956. Alí a empres levantou doce edificios de diferentes tamaños e até unha igrexa, un conxunto de vivendas e oficinas deseñado para ser ocupados polo persoal máis cualificado que traballou na construción da presa de Santo Estebo de Ribas de Sil.

Acabei alí pois, cando circulaba pola estrada que vai pola beira esquerda do rio Sil e que tomara e os Peares, vin no alto, majestuosa e máxica a silueta da capela. A curiosidade levoume a consultar o móbil, primeiro, e a dirixir o meu erratico deambular, despues, cara a ese lugar.

Trátase do poblado de A Chaira, de complexo abandonado hai máis de 30 anos e que se mantén en pé pero nun estado de conservación lamentable. Iberdrola tapiou anos atrás a entrada aos inmobles e posteriormente instalou un valo perimetral para impedir o acceso ao recinto pero iso impide poder acceder ao seu interior a ver o que alí hai ou, como fan outros, a esnaquizar muros, portas, varandas ou o que se tercie.

Xa dentro, tiven a sorte de atoparme von unha parella cunha nena ao que acompañaba un home que me informou que era aquilo, a súa orixe, etc. Ademais indicoume outros lugares de interese, miradoiros, poboacións, os mellores momentos para gozar daqueles lugares. Unha sorte

Regresei despois de pasear entre as casas e gozar das vistas. Unha tarde afortunada a de hoxe sábado polas terras de Pantón.