O último libro de Rubén Amón, “TENEMOS QUE HABLAR”, aborda un tema interesante e moi actual: a crise da arte da conversa na nosa sociedade. Aínda que o plantexamento é acertado e o autor consegue sinalar algúns dos factores que afectan á nosa capacidade para comunicarnos de forma profunda —como a saturación tecnolóxica, o dogmatismo ou a superficialidade dos debates públicos—, o libro non destaca como unha obra especialmente destacable.
Amón reivindica a conversa como un espazo de entendemento e reflexión, algo sen dúbida importante, pero o enfoque resulta algo básico nalgúns momentos. Aínda que propón ideas prácticas, como valorar o silencio, coidar a linguaxe corporal ou escoller ben os temas de conversa, estas reflexións non achegan nada especialmente novidoso.
Tiven a oportunidade de asistir á presentación do libro en Ourense, en elcercano.com, e aínda que a charla foi amena, creo que o libro queda nun nivel máis divulgativo que literario ou profundo. É un libro correcto, que pode interesar a quen busque reflexionar sobre como nos comunicamos, pero non deixa unha pegada especial nin ofrece unha visión particularmente reveladora.
